قصيدة العجمي يابن عجران

يالله يـا رحمـن يـا محصـي المـلا****ياعالـم سمـح النـوايـا وعوجـهـا

عـلام غيـب الـكـون رزاق خلـقـه****فـوق الذلـول اللـي وسـاع فجوجهـا

يارب لـولا اللطـف منـك ورحمتـك****ماتـت تمانينـا وهـي فـي خروجهـا

أسألك بمن قربت مـن صفـوة البشـر****تقبل دعـا كفـوف لوجهـك نعوجهـا

ترحـم فقيدتـنـا وتجـبـر عـزانـا****تجبر عـزا صـدور ثعتهـا اخلوجهـا

بموتـة منـار ربوعنـا شيـخ لابـه****شيخ الصبيح وراس مسـرج سروجهـا

الشيـخ ابـو فيصـل مقاليـد شيختـه****مـن ورث جدانـه وفيهـم عروجهـا

جـد القنينـه شـاخ قـبـل القنيـنـه****وتوارثوهـا والزمـن مـا يموجـهـا

مقدم هل العليـا علـي الخيـر والقسـا****الشيخ أخو ( عجرا ) وزبـدة هروجهـا

مـا جاتـه الشيخـه مصافيـط نسبـه****ولا ختمـت سريـة فــي دروجـهـا

ورثهـا كعـام الضـد سبعيـن حجـه****مذرا لربعه مـن عواصـف زعوجهـا

سندها اليـا بحلـت بخطـواة معضـل****وتريعـت الاريـا وخلجـت خلوجهـا

عجران موتـه نقـص فـي الخالديـه****اليـا أقبلـت بقعـا بغـارات هوجهـا

عجران موتـه نقـص فـي الخالديـه****اليا أنثنـت رجـل الفتـي لا يسوجهـا

عجران موتـه نقـص فـي الخالديـه****لا ضج من دعوي المكلبش ضجوجهـا

عجران موتـه نقـص فـي الخالديـه****لا وقفـت الحجـه وصنـج صنوجهـا

عجران موتـه نقـص فـي الخالديـه****لا جـر مقيـاس التسابيـب غوجـهـا

عجران موتـه نقـص فـي الخالديـه****اليـا عفـج مقـدار ربعـه عفوجـهـا

عجران موتـه نقـص فـي الخالديـه****لا قيـل يالظفـران وأقفـا نفوجـهـا

عجران موتـه نقـص فـي الخالديـه****لا ضيـم مفلـوج ظليـمـة فلوجـهـا

عجران موتـه نقـص فـي الخالديـه****لأ طلق لسانه صـوب ربعـه لجوجهـا

عجران موتـه نقـص فـي الخالديـه****لاسيـق مسيـوق تـحـرا لعوجـهـا

مرحوم يا مضفي علـي الجـار بشتـه****كـم قالـة لامـن حضرهـا يبوجهـا

ريف الضعيف ومنتصا الضيف والخوي****تفرح بـه اللـي برهـا فـي نعوجهـا

مرحوم يا طيـر السعـد ثابـت الوعـد****صافـي حـرار مـا قذلـه دعوجهـا

من ماكر طيره ضحا الكون مـا جـذا****لاهـد عينـه للدعـو مـا يعوجـهـا

عسـاه فـي الجنـه يـلـذ بنعيمـهـا****مـن حـور جنتهـا يفـوز بغنوجهـا

عسـا عوضنـا فيـه روس الشبيـبـه****جبـرة عزانـا مـن حكايـا سموجهـا

لا قـال مـن خلـف مكانـه نعـدهـم****منهـاج روس مـا تغيـر نهوجـهـا

ما دام ابـو عجـران وعضـود زنـده****حييـن فالضيقـه وسـاع فروجـهـا

أخـوان وقـت لا بـدا راس حـاجـه****جينا لهم جعـل الولـي مـا يحوجهـا

وقبل الختام أزكـا سـلام علـي النبـي****يـا عالـم سمـح النوايـا وعوجهـا


ــــــــــــــــــــــــــــــــــــــــــــــــــــــــــــــــــــــ

وسلامتكم